مجلس الرجال رشيد الحوطي

[ رساله الى نظام ساهر ]

 

بودي اتكلم عن حد السرعه اللي هي 80 قبل كل شئ بتكلم عن مدينتي مدينة الرياض خصوصا اغلب شوارعها زحمه اساسا يعني ماتقدر تتعدى 20 وليس 80,,بالنسبه لي اشوف حد السرعه غير معقوله من الصعب القياده بسرعة 80 بل العكس يمكن تؤدي الى ارباك السيارات انا اجزم بان الغالبيه لايمكن انه يقود بهذي السرعه وخصوصا السعوديين وحتى لو قيل مع الوقت يعتادون انا اراهن ولا بعد عشرين سنه يعتادون عليها اذا كانو عند اجهزة الساهر يهدون السرعه وبعد التعديه منها يعودون باقصى سرعه هذا اكبر دليل ان الجميع غير راضي عن السرعه المحدده سؤؤؤؤؤؤال من الشخص اللي حدد السرعه ؟ انا اتحداه اذا كان ( يقود سيارته بنفسه وليس راكب مع سائق خاص ) بسرعه اقل من 80 ,, انا اقود السياره بسرعه معقوله لا تتعدى 90 وهي السرعه المناسبه للساهر حسب رأيي وحصلت على عدة مخالفات وانا اسير على سرعه يمكن لا تتعدى 90 ووصلت المخالفات الى 31000 ريال بالله من وين لي اسدد هالمبلغ ؟؟ حتى رخصتي واستمارة سيارتي ماقدر اجددهم بسبب هالمخالفات !!! يسرو على المسلمين عسى رب العالمين ييسر علينا جميعا في عذاب القبر اللهم آمين ,,, خير الأمور الوسط انا في رأيي حد السرعه يكون 90 مناسب جدا ,,

وصلى اللهم وبارك على سيدنا ونبينا محمد وعلى آله وصحبه وسلم ..