[ تواضع لاتصير مغرور ]
بسم الله الرحمن الرحيم
السلام عليكم ورحمة الله وبركاته
كنت باحد الدوائر الحكوميه اراجع معامله سلمت على الموظف وكان منزل راسه ومسوي مشغول طبعا مارد السلام قمت مديت اوراقي وقلت هذي سلمك الله معاملتي رد علي بكبر وهو حتى ماطالع فيني ولا رفع راسه وقال ( ايش ) قلت معليش الله يكون بعونك الشغل عليكم واجد واشغلتك العذر والسموحه
(لاصارلك حاجه عند !! تكرمون جميعا ) المهم رفع راسه وطالعني من فوق لتحت وقال وش عندك انت (خلاص حط معاملتك وتعال بعدين 
) قلت ( بعدين كيف متى اجي طال عمرك
) قال لا تجي اتصل قلت ماعرف رقمكم ( كم الرقم )؟ معليش احس اني اشغلتك قال ( يووووه 
) واخذ ورقه وكتب التحويله حتى بدون السنترال !!اخواني وخواتي ( التواضع ثم التواضع ثم التواضع ومن تواضع لله رفعه ) انا مادري ليش بعض الناس متكبر ومغرور وشايف نفسه والمشكله الأكبر لاميزه ولا اي شي يغتر عليها ؟؟ في الحديث الشريف عن النبي عليه الصلاة والسلام قال ( ثلاثة لا يكلمهم الله يوم القيامة ولا يزكيهم ولهم عذاب أليم شيخ زان وملك كذاب وعائل مستكبر ) عائل يعني فقير او ضعيف ومتكبرطيب على ايش ؟؟ وقبل هذا كله لاننسى ان الكبر اول معصيه من ابليس لله سبحانه وتعالى وتكبره وغروره عن السجود لآدم !!
ايضا لاحظت وخصوصا على بعض النكات في النت مثل ( مغروره أو مغرور ويحق لي أو مغروره وبكيفي ....وغيره ) اذاصاحبة النك تعرف (ان الغرور هو الكبر) وانه من اقبح الصفات ومع هذا تضعه هذي مشكله واذا حاطته وماتعرف ان الغرور هو الكبر لأن بعضهم يظن ان الغرور يعني مثل الدلع ولا عزة النفس فهي مشكله اكبر !!
سبحانك اللهم وبحمدك ، أشهد أن لا إله إلا أنت أستغفرك وأتوب إليك
تحياتي للجميع 
ليست هناك تعليقات:
إرسال تعليق