مجلس الرجال رشيد الحوطي

[ من عنده واسطه ؟ ]

قبل مده كنت في احدى الدوائر الحكوميه اراجع معامله لي وتفاجأت بزحمة المراجعين اخذت رقم طلع رقمي ( 517 ) والرقم اللي عليه الدور (150) يعني تخيلو عدد الموجودين اخذت الجوال واتصلت على واحد من الزملاء وتم الحوار التالي :

الو هلا فلان .
هلا وغلا .
كيف الحال ؟
الحمدالله بخير وانت كيفك وين الناس ؟
الحمدالله والله في هالدنيا المهم ماطول عليك انا في (.......)
وزحمه شف لي واسطه !!
طيب دقايق اكلم واحد وارد لك خبر .
شوي واتصل علي وتم الحوار التالي :
الو .
هلا .
شف رح قسم (......) تلقى عمي هناك قله جايك من طرف ولد اخوك .
طيب بروح في امان الله .
رحت للي ارسلني عليه وقلت / السلام عليكم , فلان ؟
قال هلا قلت جايك من طرف فلان ولد اخوك ماتكلم اشر بيده يعني وش عندك قلت ابد شغله بسيطه بس زحمه وابي اخلص بسرعه الله لا يهينك , اخذ ورقه وكتب (فلان الفلان لاعدمتك وتوقيعه) وعطاني الورقه وصد بوجهه حسيت كني اسرق المهم رحت لفلان وخليت العالم وراي قلت فلان ؟ قال سم عطيته الورقه ولا قلت ولا كلمه قراها وخلص معاملتي ومشيت وانا اطالع في الناس اللي جايه من صباح الله خير وانا اقول في نفسي هل هذا اللي صار صح ولا غلط ؟ يعني لو بشوف واحد قدامي ومعه واسطه صراحه بنقهر لكن اللي يده في المويه مو زي اللي يده في النار!! بصراحه احترت لكن في نفس الوقت فيه اسباب للواسطه كثير ومن اهمها الروتين اللي ماله داعي اللي يسبب الزحمه وغيره وغيره ....

آسف للأطاله لكن يا اخوان وش رايكم في مسألة الواسطه

1- لوكل شوي واحد جاي بواسطه وش ذنب الناس الثانيه اللي ملتزمه بالنظام ؟؟

2- ولو فرضنا اي واحد فينا راح له شغله وحصل اللي يمشي اموره تتوقعون بيقول لا بلتزم بالنظام ؟؟



اتمنى منكم ابداء الرأي ودمتم سالمين ...