مجلس الرجال رشيد الحوطي

[ وفرقو بينهم في المضاجع ]

اتمنى الجميع بصحه وبخير وسلامه ,,


موضوعي سلمكم الله عن الوضع في كل بيت فيه اولاد وبنات وخصوصا البالغين .. كثير سمعت قصص بين الاخ واخته يقشعر لها البدن ولولا اهمية الموضوع مافكرت اطرحه عليكم ,,

الرسول عليه الصلاة والسلام في الحديث الشريف يقول ( مرو اولادكم بالصلاة وهم ابناء سبع سنين واضربوهم عليها وهم ابناء عشر سنين وفرقو بينهم في المضاجع ) مالحكمه في تفريق الاخوان عن بعض الذكر والأنثى ؟ الاكيد هو درء للمفسده بمعنى الخوف من الوقوع في الغلط ..

من طبعي ماحب اطيل في الكلام خير الكلام ماقل ودل واعتقد الجميع يعرف قصدي من كلامي السابق لكن حبيت اوجه كلامي للبنت خاصه وفي نقطه محدده 
( لباس البنت في البيت امام اخوانها او محارمها وطريقة تعاملها معهم ) بعض البنات الله يصلحهم تلبس ملابس ملفته للنظر وتفكر انه شئ طبيعي وهذا والله اكبر غلط يقعون فيه بعض البنات حطي في بالك اختي اي لباس يثير الذكر بشكل عام فمن الممكن انه يثير اخوك او اقرب الناس لك سواء خالك او عمك يعني الموجودين معك في البيت لا سمح الله فالشيطان حريص في النقطه هذي وخصوصا لو كانو قليلين ايمان بمعنى ( الدين عندهم ضعيف ) ومو بس باللباس حتى في تعاملك معهم لابد يكون فيه قيود وخطوط حمراء ( مو اخلي الدعوه فلة حجاج وآخذ راحتي بالمررره ) والله يستر على بنات المسلمين اللهم آمين ..

  

وسامحوني لو خانني التعبير لاني كتبت الموضوع بدون تحضير له ..

 

تحياتي للجميع