مجلس الرجال رشيد الحوطي

[ ياعبد ]



ياعبد !!!!!!!!!!!!!!!!

من فتره طويله ومن سنين والسالفه هذي ودي اتكلم عنها ,,

مالمقصود بكلمة عبد عندما تقال ؟؟
انا اشوف لما اقول لشخص يا عبد يعني انه مملوك وليس حر وهذا اللي نعرفه كلنا والعبد لا يشمل اللي بشرته سوداء قديما كان كثير من العبيد لون بشرتهم بيضاء يعني مو شرط يكون اسود لكن في العصر الحالي صار البعض يسمي اللي لون بشرته سوداء بالعبد !! وانا بصراحه اتضايق من هالشي وخصوصا اذا كان القصد من ورا الكلمه تحقير او تقليل من الشخص والبعض ينظر ان اي شخص اسود معناه في الاصل كان عبد
اجل معناه كل سكان افريقيا عبيد !!!!!!!!!

اذكر زمان طلعت البر مع شباب وكان لي صديق ( اسود - خال ) >> وهذي الكلمه اللي مفروض نقولها للي لون بشرته سوداء ... طبعا ماكانو الشباب يعرفونه فقلت له تعال معي نطلع مع ربعي المهم رحنا ومن اول ماوصلنا وانا اشوف نظراتهم له لان البعض لما يشوف شخص اسود في عقليته انه شخص داشر ولا مجرم ولا ولا ... هذي فكرتهم عن السود ماطولنا قاعدين ناداني واحد وقالي ترا الشباب مو مرتاحين لخويك قلت وشفيه ؟ قال جايب عبد يجلس معنا !!!!!!!!! 
يا سبحان الله اقسم لكم بالله انا اعرفهم كلهم واعرف خويي والله انه احسن منهم بكثير راعي صلاة وطاعه حتى الدخان مايشربه وهم حتى القبله مايعرفون مع وين وما خفي منهم كان اعظم من اشياء يسوونها ...

نهاية الكلام اخواني واخواتي
الله خلق البشر بالوان مختلفه ومافيه انسان له يد في لون بشرته ولا شكل خلقته وله حكمه من هالشي ماخلقنا مختلفين عبث والشخص مو بلونه او اصله الشخص باطباعه وبافعاله وسبحان الله اغلب السود قلوبهم بيضاء ومتواضعين < اغلب ربعه خوال
خخخخخخخخ المهم ( لا فرق بين عربي ولا اعجمي الا بالتقوى ) فالواجب منا احترام الناس مثل ماتبي الناس تحترمك وتقدرك يجب ان تعاملهم بالمثل .. والخلاصه
( لاحد يقول لشخص اسود ياعبد كلنا عبيد لله
 قول اسود خال كويحه كويلينه )
v
v
 دوعابه الاخيره 


اخوكم / رشيد الحوطي