مجلس الرجال رشيد الحوطي

[ الحمدالله والشكر ]

كيف الحال ؟؟؟؟

تسأل شخص ثاني عن حاله يرد عليك ويقول والله طفشان والا طفشانه يعني بدال ما يقول( الحمدالله) والا انا بخير يرد ياخي (طفشششششششششش) يعني تلقاه ربي معافيه في بدنه وفي حاله ومعيشته وما ينقصه من نعم الله شئ ابدا ومع هذا مو راضي!! لاحول ولا قوة الا بالله ( بني ادم ما يملى عينه الا التراب ) تكرمون جميعا سبحان الله ولو سالته ليش طفشان قال مدري هههههههه
<< يضحك رشيد
شيء غريب والله حتى سبب الطفش بعد مو عارفه؟؟ يعني لو فيه سبب ممكن تحاول تساعده بالحل لكن موعارف وش مطفشه وتساله انت تصلي على اساس ان الصلاة تشرح الصدر وتبعد الضيقه ( والطفش ) يقول نعم اصلي وبأوقاتها بعد , والله اعلم اذا كان صادق ولا لا ولو كان صادق طيب كيف ( تفشاااانه) على قولة بنات الشات ههههههههه ولا ( زهقااااااااااااان) اخواني معليش نبي نبحث مع هالطفشان ولا التفشاااانه ونشوف وش اخرتها
<< عصب رشيد

تساله ترا المعاصي تسود القلب يرد عليك بسرعه وبدون تردد بالعكس انا ذنوبي صغيره وقليله,, وقتها انت تفكر وش مطفشه تقوله طيب يمكن شي ضيق صدرك يقول ماعندي لا مشاكل ولا هموم ,,

اخوتي واحبتي اترك لكم المجال تواصلون بتعليقاتكم مع
هالــــ (الزهقانين والتفشااااانات) لعل وعسى نلقى اجابه ؟
واذا ما لقينا
[ يكفينا التسبيح والتهليل وذكر الله فهو العلاج لنا جميعا ]

تحياتي للجميع .