مجلس الرجال رشيد الحوطي

[ انت اللي مهوب رجال ومافيك خير ]

مره جاني واحد من الزملاء وقالي تعرف فلان قلت ايه قال ترا هذاك اليوم يوم طلعت من مكتبي قال ياخي هذا فيه وفيه وفيه قلت ايوه وش بعد قال ياخي قسم بالله مهوب رجال يعني يوم طلعت قال فيك هالكلام قلت ايوه وش بعد قال بس حبيت اعلمك لانك تعز علي وغالي عندي قلت له خلصت قال ايه باستغراب !!
قلت والله انت اللي مهوب رجال ومافيك خير يوم تنقل الكلام ( لو فيك خير دافعت عني ) ماتجيني بوجه وعند اللي تكلم علي بوجه كل اللي جنيته شحنت الصدور وشبيت الشر بين ثنين واللي سويته يعتبر نميمه ومن كبائر الذنوب ...

اخواني واخواتي ماحب اطول بالكلام ( خير الكلام ماقل ودل ) اي شخص يجيك وينقل لك كلام قيل فيك رد عليه بمثل مارديت انا لان هالشخص مايحب لك الخير ولا لك غلا عنده ولا كان المفروض بدال ماينقل الكلام انه يدافع عنك ويقول كلمة الحق

تحياتي للجميع